DIY и креативни проекти
Направи сам - декоративни свеќи со растенија
При изработката на домашни свеќи, најважна е основата. Ние секогаш посегнуваме по еколошки восок од репка, чие пакување ни е доволно за повеќе леења. Бидејќи создаваме домашни свеќи, на тебе е да одлучиш во каков сад ќе ги полниш, но секако избери стаклен материјал. Без разлика дали дома ќе најдеш убава чашка од јогурт, мала вазна или ќе одлучиш да искористиш тегла, изборот го оставаме на тебе. Покрај тоа, со помош на обична жица можеш да направиш рачка околу чашата и откако ќе ја завршиш, свеќата можеш некаде да ја закачиш.
За почеток, на водена бања растопуваме околу 250 гр исечкан восок од репка - што би требало да биде доволно за една свеќа со средна големина. Важно е восокот да се растопи, но не смее да зоврие. Во стаклената чаша подготвуваме фитил, кој на врвот го прицврстуваме со помош на штипка. Кога фитилот е поставен во средината на садот, внимателно го истураме растопениот восок. Ја оставаме свеќата да се стегне, а вишокот фитил го потсекуваме.
Фотографија: Cchobby.com
Кога свеќата е готова и стегната, продолжуваме со подготовка на растителни декорации.
За нив подготвуваме парче пластика - на пример, малку фолија или пластично пакување. На неа нанесуваме рамномерен слој лепак за декупаж.
Истиот слој го размачкуваме и на стаклената површина на свеќата. Со пинцета го пренесуваме листот (или цветчето) на пластиката.
Потоа, со помош на четка нежно го премачкуваме и горниот слој со лепак за декупаж. Полека го одлепуваме пресуваното растение од пластичната површина и го притискаме на стаклото. Вака залепената декорација повторно ја премачкуваме со лепак за декупаж. Истата постапка ја применуваме и на останатите парчиња растенија.
Откако ќе се исуши лепилото, нашата рачно изработена свеќа е готова.
Фотографија: Cchobby.com
Создавањето рачно изработени предмети не е само забава, туку и одлична активност во текот на која можеш да се опуштиш. Ако имаш постари деца дома, исто така можеш да ги вклучиш во создавањето. А потоа, доволно е само да уживаш во убавата декорација и пријатната атмосфера во светлината на свеќите.
Леа