На што се сеќавате од почетокот на вашата сликарска кариера?
На почетокот беше тешко. Сè изгледаше невозможно уште пред да започне. Се плашев од нови материјали, но сè изгледаше добро кога се заврши. Секоја наредна работа стануваше се подобра и подобра и напредокот беше очигледен. Тоа ме направи горда и сигурна.
Кој момент го паметите како клучен во вашиот развој?
Секоја нова оцена и критика на моите слики. Секој час поминат во сликање - беше големо задоволство и благослов. Секој пат кога ќе го видам резултатот од мојата работа - едвај чекам следниот пат да бидам уште подобра.
Омилена техника и зошто?
Омилена техника ... маслени бои. Кога ја милувам површината со четка за масло и остава трага, се чувствувам како душата да ми е јагода на која некој става мед.
Дали сте експериментирале со техники?
Експериментирав со многу техники и секоја од нив ме научи на нешто ново во врска со другите техники. Контрастот на искуствата, брзината и деталите во секоја од техниките беше важен.
Како ги пласирате вашите дела на пазарот? Каков вид на промоција претпочитате?
Ми нарачуваат луѓе кои веќе ги виделе моите дела, но сакаат нешто посебно, од познаници, од познаници до познаници, а особено преку Инстаграм. Преку Инстаграм доаѓам до повеќе луѓе.
Цртање или сликање?
Сликање.
Четка или шпатула?
И дветеее ... четка за почеток, шпатула за крај.
Масло или акрил?
Масло !!!!
Галерија или инстаграм?
Галерија.
Уметност или комерцијала?
Комерцијала.
