Акварел бои
водени бои...aqua –вода
Можат да бидат во течна состојба во туби или во цврста состојба во садчиња
Во секој случај се разредуваат со вода
Исушената боја на палетата може повторно да се искористи, само дојдајте вода
Употребата на бела боја во акварел се избегнува, а посветла боја се добива со додавање на поголема количина на вода
Четки
За акварел се користат фини меки четки. Тоа се обично четки од природни меки влакна од куна, камила, верверица....но постојат и синтетички имитации кои се поволни и практични за почетници
И во двата случаи, важно е четката да може да апсорбира и задржува многу вода. MOP - подуена мека четка што кога е влажна добива остар врв и сè уште има стомак кој апсорбира многу вода
Хартија за акварел
За да не се свитка хартијата при нанесување на боја и вода, важно е нејзината тежина / дебелина да биде соодветна - барем 140g / m2. Колку е подебела хартијата, толку е помала веројатноста да се свитка. Исто така, поголем процент памук во хартијата ја намалува веројатноста за виткање на хартијата за време на работата.
Акварел хартија може да има различна текстура во зависност од тоа како се прави:
hot press - мазна
cold press - средно рапава
rough - рапава
Маскирна течност
Акварелот е многу тешка сликарска техника бидејќи практично грешките не можат да се сокријат. Потребно е мнооогу искуство за да го добиете од првиот пат токму она што го сакате. Но постои помош - маскирна течност која ја нанесувате на хартијата пред сликање на оние места кои сакате да останат бели и на тој начин го блокирате продирањето на бојата на тие површини.Откако ќе се исуши бојата, оваа течност едноставно се лупи од хартијата.
Дали кажавме се што е важно? Можеби имаш нешто да додадеш?
