Откако ќе ги прочиташ овие интересни факти за боите, можеби твојот поглед кон нив ќе се промени ... Веруваме дека сликањето ќе ти стане уште попримамливо!
Дали знаете за теоријата на бои и за тркало боја?
Исак Њутн го направил тркалото боја уште во 1706 година. Со својот познат експеримент со прекршување на светлината низ призма, Њутн објасни како бојата всушност е својство на самата светлина и дека не е карактеристика на некој предмет. Ова би значело дека предметите немаат свои бои. Кога светлината паѓа врз некој предмет, тој апсорбира еден дел од светлината и одбива друг а до окото стигнуваат само оние „бои“ што се одбиени. Интересна е тезата дека воопшто не е задолжително светлината од една иста боја секој од нас да ја гледа исто. Ако размислиме во таа насока, доаѓаме до заклучок дека светот можеби не изгледа ист во перцепцијата на две лица ...?
Виолетова - кралска боја?
Персискиот крал Кир Велики избрал виолетова туника за неговиот кралски костум. Некои римски императори забранувале со закана за смрт обични граѓани да носат виолетова облека. Владетелите на Византија носеле виолетови униформи и ги потпишувале своите уредби со виолетово мастило. Зошто? Со векови, виолетовата боја можела да се добие само во феникискиот град Тир, а се добивала од посебен вид полжав. Требало да се скрши школката на полжавот, да се собере виолетовата слуз и да се изложи на сонце за одреден временски период. За само еден грам боја потребни биле околу 9000 полжави. Била толку ретка што вредела скоро исто колку и златото.
Долгата традиција продолжила и во средниот век, така што на голем број слики може да се видат владетели и кралеви со униформи кои имаат барем некои виолетови детали. Франкискиот крал Карло Велики бил крунисан за император облечен во виолетова облека, а во средниот век поради проблеми со снабдувањето со кралско виолетова боја во 1464 година, папата Павле Втори издал декрет со кој кардиналите ја сменале бојата на облеката од виолетова во денешна црвена, а пониските слоеви на свештенството носеле виолетова, но во значително поевтини нијанси што биле на располагање - што останува како правило до ден-денес. Бојата стана достапна за секого само во 1850 година, кога на пазарот пристигнаа првите синтетички бои.
Што е хромотерапија? Терапија со бои [hroma (гр.) - боја] Дали верувате дека некои бои можат да му помогнат на нашето тело самостојно да се лекува ? Хромотерапијата нè уверува дека боите влијаат на нашето расположение, физичката и менталната состојба, а со тоа и на нашето здравје. Ова верување датира од античките египетски лекари.
На пример:
- Виолетова - го смирува и лечи стресот и несоницата
- Белата е како седатив
- Интензивното сина лечи депресија
- Жолтата боја го стимулира варењето и го зголемува апетитот..
Ако се прашувавте на кого му паднало на памет да измеша две бои - грчкиот филозоф Платон бил првиот кој открил дека со мешање на две бои може да се добие трета. Сега ова ни изгледа како сосема нормална работа, но ако се вратиме многу години наназад и ако се сетиме порано дека секоја боја ја добивале од сув пигмент, а пигментите ги добивале преку долги и тешки процеси, воопшто не е чудно што толку долго време им било потребно да го сфатат мешањето на боите.
Човечкото око разликува најмногу нијанси на зелена боја. Тоа е веројатно една од причините зошто имаме најмногу зелени нијанси во нашата понуда за бои. А тоа е и причината зошто очилата за гледање во мрак се баш зелена боја.
