Музејот на уметност на Универзитетот Харвард ја чува најголемата колекција на пигменти
Индиско жолта
За најголемо богатство на оваа колекција се смета индиско жолтата боја, која секако денес е недостапна и која е направена, верувале или не, од урината на кравите хранети со лисја од манго. Овој пигмент се користел во Индија со векови, но неговото производство е запрено затоа што претставувало опасност по здравјето на кравите.
Меѓу 2.500 примероци на пигменти има и такви кои одамна не се во употреба и кои денес не можат да се најдат...
Ултрамарин сина
Била исклучително популарна во 14 век и се добивала со мешање на ситно мелен камен лапис лазули. Овој пигмент бил неизбежен во сите големи средновековни сликарски настојувања, без оглед на тоа што неговата цена била дури четири пати поголема од цената на златото во тоа време. Некои од пигментите се дури забранети за употреба поради нивната штетност или начинот на кој се добиваат!
Мумија кафена
Дефинитивно најинтересниот експонат на оваа колекција е тубата со Мумија кафена нијанса. Оваа боја, омилена меѓу прерафаелистите сликари, се добивала со мешање на миризлива смола и ситно мелени остатоци од човечки мумии и нивните мумифицирани миленичиња, кои биле пронајдени во египетските пирамиди. Денес, боите се прават од безбедни пигменти и големо внимание се посветува на нивната безбедност.
Емералд зелена
Емералд зелената позадина на една од сликите на Ван Гог можела да биде штетна за здравјето на уметникот, бидејќи прашокот од кој е добиена бојата е многу отровен. Се разбира, пигментот бил повлечен од продажба кога се покажало дека испарувањата што ги произведува се фатални за животот.
Дали сте изненадени од овие информации? Или имате некои уште поинтересни?
