Имаш дилеми, сликањето е нешто сосема ново за тебе и не знаеш дали да избереш акрилни или маслени бои? Наш предлог е прво да си ги поставиш овие три многу едноставни прашања
Дали имаш ателје или посебна просторија во која ќе можеш да сликаш? Од тоа зависи дали можеш да користиш бои кои имаат мирис или исклучиво оние кои не испаруваат специфично и немаат мирис.
За разредување на маслени бои и миење на четки се користи терпентин кој има мирис што не е пријатен за секого. Препорачливо е често да се проветрува просторијата во која се работи и не е препорачливо да се спие во просторија во која се работело со терпентин или таму се сушат слики.
Дали имаш трпение да чекаш и по неколку денови за да се исуши еден слој, па потоа да продолжиш со сликање? Пресудно, ако си исклучително нетрпелива личност која би сакала сè одма и сега!
Акрилните бои се сушат многу брзо, на просечниот слој му требаат околу 10 минути за да биде целосно сув. Додека пак на маслените бои потребно им е многу повеќе време, некогаш и неколку денови, во зависнот од дебелината на слојот.
Всушност не си сигурен дали сликањето ќе ти се допадне и колку често ќе сликаш? Или можеби купуваш поклон за некој талентиран тотален почетник...
Со акрилни бои неопходна ти е само обична вода, бидејќи тие се разредуваат со вода и приборот се мие со вода. А ако сакаш да работиш со маслени бои ќе ти треба и терпентин и ленено масло. Ако зборуваме за финансиската страна, во овој случај, акрилните бои се подобра опција.
Кога дилемата ќе се реши и дефинитивно знаеш кои бои се подобар избор за тебе, време е да избереш бренд, милитража, четки за тој вид на боја и останатиот прибор кој е потребен за сликање. Можеш да ги следиш упатствата од нашите текстови за избор на прибор за почетник или едноставно, пиши ни, со задоволство ќе ти помогнеме.
