Прашањето од насловот честопати ги мачи како професионалните сликари така и оние кои сликаат од хоби. Не постои конкретен одговор но, постојат некои насоки кои можат да помогнат. Можеме да ги наведеме основните позитивни и негативни карактеристики на секоја техника. Таму каде што е балансот помеѓу за вас битните и небитни „за“ и „против“ ќе ги пронајдете боите кои ви одговараат.
Невозможно е да се генерализира, секако изборот на бои со кои еден сликар ќе го достигне максимумот, зависи од неговата вештина, развојот на техниката но и од трпеливоста и другите лични карактеристики. Значи, ако сте прецизни и ви смета нередот, мали се шансите да ви одговараат бои кои можат да го извалкат просторот околу новите делата додека ги нанесувате. Покрај тоа, земете го во предвид и идниот набљудувач. Различните бои и техники предизвикуваат и различни емоции.
Општо земено, водените бои во повеќето случаи се алатка со која сликите стануваат некако заматени, затемнети. Ќе предизвикаат соодветна емоција и чувство на пејзаж на кој врне дожд, на пример. Кога таквите пејзажи се добро направени, речиси да можете да ги почувствувате влагата и студот, зарем не? Маслените бои, сепак, во вешти раце ќе произведат форми на јасни линии кои речиси секогаш делуваат богато и зрачат. Без оглед на емоцијата која сакате да ја пренесете детално, се чини нема да погрешите ако тоа го направете со маслени бои. Акрилните бои се на средина. Некому златна, некому тажна. Секако повторно техниката на уметникот е пресудна дали од акрилните бои ќе го извлече максимумот и дали таа ќе ја засили нивната сличност со акварелот и маслените бои.
Водени бои
Парите не се проблем, пари нема, затоа како прва предност на водените бои ќе ја наведеме - цената. Всушност тие воопшто не се скапи. Со нив можете да боите големи површини кои не бараат 100% покриеност на пример лицето на бела позадина. Исто така што е многу важно брзо се сушат.
Од друга страна тоа што можеме да го наведеме како негативна карактеристика кај нив е техниката на примена во теоријата е многу едноставна но во праксата бара извонреден талент и многу вежба. Не е занемарливо кога зборуваме за негативните страни да наведеме дека грешките многу тешко се покриваат а делото во изработка е многу кревко - една капка вода може да ги уништи деталите што сте ги создавале со часови.
Ако сте трпеливи, талентирани и спремни да вежате до совршенство после кое нема да правите грешки ќе бидете наградени со фантастични дела направени со оваа техника кои за кратко ќе бидат суви и подготвени за презентација. Проценете се добро или заобиколете ги водените бои.
| Наши препораки | ||
| ДОБРО | ПОДОБРО | ОДЛИЧНО |
Маслени бои
Ако побарате информација кој сè сликал со маслени бои ќе се сретнете со голем број на уметнички имиња од ренесансата па сè до денес. Така, делата сликани со овие бои се одликуваат пред сè со извонредниот рок на траење да не кажеме вечност. Еднакво важна карактеристика е тоа што се незамениви за сликање на детали и констраст меѓу светлината и темнината. Светлината се рефлектира низ слоевите на боја и се добива ефект на длабочина. Меѓутоа, кога бојата е речиси вечна, нејзиното сушење не може да биде прашање на време. Сушењето на маслените бои може да трае од 6 месеци па до година дена. Можеби уметниците во периодот на ренесансата имале време да чекат толку многу но во 21 век сè брза, па и уметноста. Постојат и практични причини зошто времетраењето на сушење на маслените бои е негативна карактеристика: додека се суши сликата може да биде упропастена од прашината, да ја нападне некој инсект или некое човечко суштество. Треба да се напомене дека приборот по користењето на маслените бои треба темелно да се исчисти со средства што не се многу добри за нашето здравје.
Сепак доколу имате адекватен простор за сушење и немате причина да правите инстант суви уметнички дела можете да занемарите се што наведовме како негативни карактеристики и да се одлучите за овие бои.
| Наши препораки | ||
| ДОБРО | ПОДОБРО | ОДЛИЧНО |
Акрилини бои
Од една страна покрај маслените бои, акрилните се идеални за детали а од друга страна, лесно се користат, полесно од маслените. Се прават на база на вода па полесно се чистат за разлика од претходните два вида и се идеални за почетници кои прават голем број грешки. Но, никој не е совршен - овие бои можат да содржат различни токсини во нивните пигменти. Брзо се сушат но поради тоа слоевите многу тешко се поклопуват еден со друг. Не знаеме колку делата направени со акрилни бои можат да траат, сепак самите бои постојат околу 50 години.
| Наши препораки | ||
| ДОБРО | ПОДОБРО | ОДЛИЧНО |
Покрај се најлесен начин за избор е – проба. Нека сето ова ви служи како напомена во што влегувате со секоја од боите. Пресудно ќе биде онаа што сами ке го искусите. На пример, можеби не сте перфекционист но ќе станете бидејќи ќе окриете дека водените бои се оние што ги прават вашите дела уметнички.
