Било да сте почетник, аматер или професионалец треба да го имате на ум значењето на соодветниот сликарски држач. Соодветната форма, висина па и материјал од кој е направен држачот, можат да бидат од суштинско значење за појавата на Вашето уметничко дело, но исто така и за Вашето физичко здравје. Добриот држач значи дека ќе ја задржите правилната положба на телото додека работите. Патем, ова значи дека работниот процес е многу попријатен и продуктивен.
Иако овој дел од сликарскиот прибор не е најефтин од се што на еден уметник му е потребно, голем број на професионалци поседуваат повеќе различни форми и големини на штафелај затоа што е многу важен а би било штета да ја ограничите својата креативност бидејќи го немате соодветниот. Но, од нешто мора да се почне. Дури иако имате неограничени средства на располагање, почнете од еден со карактеристики кои Вас лично Ви одговараат.
Самиот збор што го користиме за оваа сликарска алатка укажува на неговата функција - сликарски држач на него стои платното додека го претвараме во уметничко дело. Како и повеќето производи денес, сликарските држачи се произведуваат во многу форми, големини и бои. Многу често ваквата можност за избор може само да не доведе во недоумица. Размислете што точно барате од Вашиот сликарски држач и многу лесно ќе го најдете вистинскиот.
Со која техника претежно работите?
Овој податок е многу битен за Вашето дело да успее без технички проблеми. Соодветната форма на сликарскиот држач е битна колку и квалитетот на боите со кои сликате. Ако користите течни медиуми, водени бои или течни акрилни бои, сигурно дека не сакате да Ви истечат од платното. Во овој случај можеби најдобро е да работите на маса или да изберете сликарски држач кој ќе може да се прилагоди така што ќе биде под многу мал остар агол.
Од друга страна , ако работите со пастели, а особено со маслени бои, важно е да не паѓа прашина на Вашите дела додека се сушат. А сушењето може да трае, особено кај маслените бои. Најлесен начин да се избегне прашината е да изберете држач кој ќе го држи платното во вертикална положба. Таквите држачи името го добиле по тоа што наликувaат на букви, постојат оние во форма на буквата А и држачи во форма на буквата Н. Двата вида го држат платното вертикално и најчесто можете сами да го прилагодите. Како да одберете помеѓу овие два вида ќе Ви откриеме малку подоцна.
Сликате надвор или внатре?
Ако најчесто работите во своето ателје или во друг простор, можете да изберете држач во форма на буквата Н. Овие држачи се многу стабилни, најчесто се направени од цврсто дрво кое им дава тежина. Обично се многу високи или можат да се прилагодат на различна висина. Сето ова го гарантира квалитетот на Вашата работа, но исто така преместувањето на овие држачи не е воопшто пријатно. За оние кои сакаат да сликат во природа или надвор има одлично решение - преносливи држачи кои се многу лесни, направени од дрво или метал, леснo се прилагодуваат и можат да сместат во простор заедно со останатата опрема. Надворешните држачи се дизајнирани да можат да се прилагодат во секој простор и да Ви обезбедат стабилност.
-----------------------------------------------------------------------------------------------------------------------------------------------------------------------------
| Наши препораки | |||
| ДЕТСКИ | СТУДЕНТ | PROFI | НАДВОРЕШЕН |
| Штафелај за деца SZ1-M | Академски штафелај SZ4 | Сликарски држач Madrid | Надворешен штафелај Royal |
------------------------------------------------------------------------------------------------------------------------------------------------------------------------------
Доколку сакате да сликате во затворен простор изберете држач во облик на буквата А, лесен држач со три нозе кој лесно се склопува, поместува па и носи. Овој држач е соодветен за Вас особено ако правите само скици на хартија затоа што во тој случај не Ви е потребна голема стабилност.
Колку простор имате?
Ако работите внатре а не на терен, посебно ако сте аматер или почетник големината на работниот простор може да биде исклучително важна. Сликарските држачи во форма на буквата Н се идеални за работа внатре, но бараат и идеални услови – пред се многу простор. Ако тоа не можете да си го дозволите , сепак можете да најдете држач кој подеднакво одговара на Вашиот начин на работа а не завзема многу простор. Идеално решение се сликарските држачи за на маса. Можете да ги најдете како минијатурна варијанта на оние во форма на буквата Н, значи имаат потполно иста форма но се со многу помали димензии и дизајнирани се да стојат на маса. Повеќето од моделите кога не ги користите можете да ги спакувате и да ги искористите за некоја друга намена.
Колкава е големината на платната кои ги користите?
За жал, кога е во прашање големината на платната немате многу избор. Доколку сликате исклучиво на платна со големи димензии, најдобар да не кажеме единствен избор е сликарски држач во форма на буквата Н. Само тој може да биде стабилен но и сам по себе доволно голем и прилагодлив. Доколку сликате на платна со помали димензии можете да се одлучите за било која друга (поекономична) варијанта.
Што уште е важно и што треба да знаете?
Постои голем избор на држачи на кои единствена функција е изложување на веќе завршените дела. Тоа се многу убаво дизајнирани држачи кои можете да ги бирате спрема тоа дали Ви се поклопуваат во ентериерот, колку лесно се преносливи, или пак колку платна наеднаш можат да поддржат. Имајте во предвид дека не се погодни за сликање.
Секако постојат и држачи за деца. Нивната намена е јасно означена на Вас останува да изберете што е соодветно за Вашите најмили.
Сликарските држачи денес се прават во повеќе бои иако нивната функција не е декоративна. Не дозволувајте тоа да Ве обесхрабри и да не знате што да одберете. Ако сакате Вашиот сликарски држач да се вклопи во Вашиот ентериер на овој начин прекрасно е што имате избор, но ако тоа не Ве интересира , производителот сигурно се потрудил моделот кој сте го избрале да биде во некоја неутрална основна боја на дрвото од кое е направен. Освен тоа , не е лошо да имате во предвид дали самиот држач е третиран со масло или можеби сами ќе посакате да го исфарбате или да го украсите со некоја друга техника како што е декупажот.
Ако добро размислете за одговорот на прашањето во поднасловот, без сомневање ќе дојдете до одговор на прашањето какви карактеристики треба да има Вашиот сликарски држач. Кога ќе го пронајдете соодветниот облик и материјал време е да го отворите паричникот. Без разлика на тоа каков модел Ви треба секако ќе најдете нешто поволно затоа што секој вид има и ефтини и скапи модели. Не штедете и гледајте на Вашиот држач како на инвестиција за успех на Вашите уметнички дела во иднина. Секогаш имајте на ум дека тоа што најчесто влијае на цената на држачот не е неговиот квалитет туку неговите можности.
