Ако сакаш подобро да ги разбереш своите четки - научи ја нивната анатомија! Што, каде и зошто се наоѓа...ајде да видиме!
Глава на четката
Ова е делот каде што се наоѓаат влакната - најважниот дел што го одредува карактерот на четката. Врвот на четката е оној ден кој ја допира површината по која сликате. Тој може да биде остар, заоблен или искосен и во зависнот од тоа остава различен траг. Стомакот е најширокиот дел од четката во кој се задржуваат водата и бојата и од кој зависи колку долг потег можете да повлечете.
Држач
Ова е метален дел кој ја поврзува главата и телото на четката и ги држи влакната заедно. Покрај тоа што квалитетот на четките го препознаваме по видот на влакната, го препознаваме и по квалитетот на металот од кој е направен држачот, но и по тоа колку цврсто се стегнати влакната на него. Ефтините четки обично имаат послаби лепила и тоа е причината зошто влакната паѓаат и нè нервираат затоа што остануваат насекаде на сликата. Рачката, односно телото на четката може да биде дрвена или пластична, кратка или долга, зависно од тоа за која техника е наменета четката. Кратка рачка имаат четките со кои се работи на хоризонтална положба, како на пример акварел и халиграфија, а долга рачка имаат четките со кори се работи на вертикално платно и потребно е поголемо растојание на раката од платното.
Ознака на величина
На првиот дел од рачката напишана е величина. Се изразува во бројки и се движи од 000 (најтенка), па големини 1, 2 се до 24 најчесто. За жал, големините не се усогласени кај сите производители и на пример, ознаката 10 не мора да значи дека ширината на четката е 10mm.
Ознака на серија
По името на производителот, во овој дел обично е напишано името на серијата на која и припаѓа четката. Со оглед на тоа што големите производители имаат и голем број на серии, оваа информација е исклучително важна за оние клиенти кои веќе знаат што им одговара и која четка им е точно потребна
Код
Кодот содржи букви и броеви кои во скратена верзија зборуваат за серијата на четката и поточно за обликот на четката од дадената серија. Кога купувате четки online доволно е да го напишете овој код во пребарувачот на страницата и со тоа да ја пронајдете точно четката што ја барате. Како последна информација, на рачката се наоѓа и земјата во која е направена четката.
