Се прашуваш што сè треба да има една слика за да изгледа баш добро? Во суштина, нема правила. Но! Сепак, обрни внимание на следниве 5 ситници ...
Текстура
Текстурата или поточно релјефот не е неопходна во секоја слика, но може да даде подобар ефект. Прекршувањето на светлината која се појавува на површините што не се мазни, ќе си поигра со окото на набудувачот и ќе му даде уште една причина да ја разгледа подобро сликата и да ја доживее.Само бидете внимателни! Мора внимателно да се вметне во идејата за сликата и да се претстави во вистинската мерка. Не треба да биде таму само затоа што сте слушнале дека така сликата ќе биде фенси.
Композиција
За композицијата обично се размислува пред почетокот на сликањето, но и за време на изработката на скицата. Но, не е погрешно и ако дури на средина на работата одлучите каква ќе биде композицијата и кој елемент ќе ја доминира. Темата е широка и има многу правила, еве само неколку почетнички совети:
- кога сликате портрет пред лицето секогаш треба да има повеќе простор
- никогаш не сликајте важен предмет или фигура веднаш до работ на платното, мора да има растојание
- кога сликате пејзаж, линијата на хоризонтот не смее да биде точно на средина
- обрнете внимание на перспективата, одвојте време и совладувајте го цртањето во перспектива на почетокот
Се разбира, ако вашата цел е да предизвикате непријатност или конфузија кај набудувачот тогаш не морате да почитувате ниту едно од овие правила .
Користете различни четки
Користењето на истата четка или неколку четки со слична ширина може да и смета на сликата. Повторување на движења со иста ширина дури и ако сите потези се движат во иста насока, ќе ја направат сликата досадна. Ако ги погледнете малку подобро делата на Ван Гог, на пример, ќе видите дека иако се чини дека ја користел истата четка на целата слика, сепак има варијација во дебелината, а различните насоки на потезите како бранови дополнително ја разиграле атмосфера. Сликајте онака како што сакате да се доживее сликата, ако сакате да буди и придвижува- играјте со четки!
Лакирање
Лакирањето на слика не е задолжително или потребно, но знаете дека за време на сликањето се случува бојата да стане мат кога се суши, да го изгуби својот сјај или дури и интензитетот. За да ги изедначите овие промени и да и дадете изглед на сликата, лакирајте ја. Лакот не мора да биде сјаен и да му дава на сликата стаклен изглед, ако не сакате. Постојат и мат лакови кои ќе ја освежат бојата, ќе и дадат свежина и влажност, но површината ќе биде мат. На крајот на краиштата, на овој начин му давате на знаење на набљудувачот / купувачот дека делото е важна за вас и дека сте се потрудиле да ја заштитите за да трае.
Урамување на сликата
Лакирањето е последната интервенција што се прави на самата слика, но и овој последен чекор е исклучително важен за целосниот изглед на сликата. Ако сликата не сте ја работеле на платно кое е затегнато со хевтање на задниот дел од рамката, тогаш треба да се размисли за урамување. Ако сте го избрале таканаречениот француски распон, каде клиновите не се гледаат од страните, тогаш доволно е внимателно да насликате или да ги обовите со една нијанса страните на платното. Ако сепак се одлучите за рамка - обрнете внимание и време на изборот на рамка. Рамката не смее да доминира и да го одвлекува вниманието од вашата слика. Најдобро е да биде во нијанса што доминира во сликата. Ако немате доминантна нијанса, тогаш изберете црна, бела или сребрено-сива рамка, во зависност од тоа колку е светла или темна сликата.
