декупаж
од францускиот збор decouper - да исече или намали од нешто
Декупаж е хоби техника во која, едноставно кажано, се сечат салфетки, оризова хартија со принт или слични видови потенка хартија, а потоа се лепат на основата за да се украси.
Покрај салфетки и лепак, оваа техника вклучува и употреба на:
- акрилни бои
- пасти со специјални ефекти
- лакови што предизвикуваат пукање и даваат антички изглед
- ситници што можат да се залепат на крај како пердуви,
бисери, светки
- дури и сликање одредени детали...
Подлога
Декупаж може да се направи на различни подлоги::
дрво
пластика
стакло
метал
керамика
дури и на текстил ...
Но, секоја од овие подлоги бара подготовка! Најважно е тоа да се чисти и суви предмети, без прашина, без маснотии (исчистени со алкохол), а текстилот е потребно да се испере и исчисти без додавање омекнувач. Прајмер / gesso - бел акрилен производ, кој може да се нанесе на предметот пред акрилна боја
Акрилни бои и лепак
Акрилната боја се користи за премачкување на предметот на кој ќе бидат залепени салфетките, иако салфетките може да се залепат и директно на предметот ако е со светла боја. Како лепак се користи посебен вид на лепак за декупаж кој после сушење е транспарентен, што е важно бидејќи самите салфетки се провидни и фини. И после лепењето на салфетките и сушењето на лепакот може да се користат акрилни бои за досликување на детали или пак за маскирање на преодите и рабовите.
Завршен лак
Како и сите други дела така и делата изработени со декупаж техниката потребно е да се заштитат, особено ако станува збор за предмети кои секојдневно се користат. Понекогаш, покрај производи на акрилна основа се користат и производи како на пример восочни пасти или производи на основа на растворувач, па поради тоа е важно да се обрне внимание каков завршен лак ќе се користи:
- акрилен лак преку дела изработени само со акрилни производи
- solvent based лак преку производи на различни основи
Колку од вас се занимаваат со декупаж?
