Не зборуваме само за слики на платно, туку за сите ваши дела на кои се користени акрилни или маслени бои/
Знаеме дека ова е процес кој бара многу, особено ако зборуваме за масло на платно кое што треба да се почека за се исуши барем 6 месеци пред лакирање...
Но ќе ви наведеме три причини поради кои овој последен чекор во сликањето не треба да го избегнувате.
Интензитет на боја
Ако некогаш сте имале можност да го гледате процесот на лакирање на слика, тогаш ви е потполно јасно дека лакот го враќа изгледот на влажната боја на сликата, односно го зголемува нејзиниот интензитет. Исто така влијае врз истакнувањето на разликите меѓу нијансите, такашто сликата добива длабочина бидејќи станува видлива разликата меѓу слоевите на боја.
Изедначен изглед
За време на сликањето бојата ја разредуваме со различна количина на вода или терпентин, а во зависнот од тоа колку точно сме ја разредиле зависи колку сјајна ќе биде кога ќе се исуши ...Затоа често се случува да не се сите делови од сликата еднакво сјајни, или некои делови пак се потполно мат. Лакот, меѓу другото, ќе го изедначи сјајот. Или ќе и даде на целата слика изедначен мат изглед ако изберете мат лак за сликање.
Заштита на сликите
Лакот е непропустлив слој кој не дозволува прашина и друга нечистотија од воздухот да стигне до слоевите на бојата и да се залепи на нив. Покрај тоа, лаковите кои на себе ја имаат ознаката UV resistant ќе ја намалат можноста боите да исчезнат со текот на времето. А дури и кога сликата ќе пожолти после неколку децении, само ако е лакирана, реставраторот ќе може да го отстрани стариот лак и да нанесе нов и со тоа да го врати изгледот на сликата
Каков е вашиот став кога станува збор за лакирање слики? Дали некогаш го прескокнувате овој чекор?
