Неодамна на пазарот се појавија бои кои ги имаат сите карактеристики на маслените сликарски бои, но можат да се разредат со вода. Неколку брендови ги имаат во своите понуди
Зошто се направени?
-За сликари на кои им смета мирисот на терпентин
-За оние на кои работата со медиуми им е комплицирана
-Поради едноставноста при самото сликање
-Но и поради едноставното одржување на приборот со кој се слика
-Поради побрзо сушење
Во што е тајната?
Овие бои содржат одредени адитиви кои ги помириле маслото и водата и го овозможиле нивното мешање Се сушат во две фази - испарување на водата, а потоа оксидација како и стандардните маслени бои. Колку повеќе вода е додадена во бојата, толку побрзо таа ќе се суши, но ќе има и мат изглед (не грижете се, кога ќе ја излакирате сликата сјајот ќе се врати). Ако сликате со чиста боја без вода, слојот ќе се исуши за 1-3 дена
Дали се потребни медиуми?
Не се неопходни, но може да се користат. Јасно ви е дека оваа боја може да ја користите без разредување и додавање на било што.Можете да ја разредите само со вода.
Можете да ја разредувате со медиумите наменети за стандардните маслени бои, трпентин, ленено масло или посебни медиуми за овој вид на бои. Во секој случај, за миење на четките ви треба само вода и сапун.
Дали може да се комбинираат со класичните маслени бои?
Да, можно е да ги користите и како обичните маслени бои и да ги мешате со нив, но во тој случај не може да користите вода. Над исушените слоеви на боја кои сте ги измешале со вода можете да користите стандардни маслени бои разредени со терпентин и ленено масло
Се прашуваме колкумина од вас имаат искуство со овој вид на бои?
