Што е терпентин?
Терпентин е безбојна течност - растворувач кој се користи за разредување на маслени бои и чистење на прибор.
Може да се користи сам или во комбинација со ленено масло и дамар лак. Во бојата може да се додаде во било кој процент, но колку повеќе терпентин толку по посна е боја. Бојата измешана со повеќе од 30% терпентин ќе има мат изглед кога ќе се исуши. Има карактеристичен и остар мирис и подолго вдишување на неговото испарување може да предизвика главоболка
Ленено масло
Покрај терпентин, боите може да се разредуваат и со исушени растителни масла - обично ленено масло. Лененото масло исто така може да се користи само или во комбинација со терпентин во ореден размер. Додавањето чисто ленено масло во бојата значително го забавува нејзиното сушење и создава ризик бојата да пожолти со текот на времето. Има благ пријатен мирис и се суши со оксидација и по сушењето не е можно да се раствори дури ни со терпентин.
Што е медиум?
Медиуми се комбинација од масло, терпентин, смола и восоци. Секој медиум има своја намена, во зависност од размерот на компонентите што ги содржи. Универзалниот медиум содржи 2 до 3 дела терпентин и 1 дел масло, со додавање на неколку капки лак дамар на 1dl.Значи, може да се користи чист терпентин и чисто ленено масло, но и медиуми - само секој од нив треба да се користи на вистински начин и во вистинско време.
Што навистина значи ...
... масно преку посно
... споро преку брзо
За долните слоеви, користете боја која е посна (во себе содржи повеќе терпентин/само терпентин и брзо се суши). А секој нареден слој би требало да биде помасен од претходниот и да содржи помалку терпентин а повеќе масло
Покрај тоа, не е лошо да се погрижиме долните слоеви да бидат потенки од наредните, како би се избегнало пукање на бојата.
Повеќе за медиумите прочитајте на нашиот БЛОГ!
