Во сликарството постои правило кое ќе го слушнете од многу експерти, кое гласи дека акрилните бои се резервирани за почетници а големите мајстори користат маслени бои. Каде се тогаш добрите стари водени бои со кои сите сме цртале по хартија или по познатиот блок број 5 во основно училиште? Без оглед на тоа дали ќе се одлучите за водени бои поради носталгијата или предизвиците што ги претставуваат, сигурно е дека делата создадени со оваа техника имаат автентичен шарм и неспоредлива оригиналност.
Пред вас се информации за користење на водените бои кои можат да ви бидат корисни како за почетник но и да го дополнат знаењето кое веќе го имате. За почеток, се што ви е потребно е четка, вода и секако бои. Водените бои можат да се пронајдат во 3 облици, водени бои во туби, водени бои во цврста форма и водени бои во коцки (кутии).
Четки за водени бои
Четките за водените бои имаат долги меки влакна. Во најидеален случај тоа се четки со влакна од самур или куна. Доколку четките со природни влакна не се вклопуваат во вашиот буџет, синтетичките четки исто така ќе одговараат, важно е само да го задоволите првиот критериум. Големината и обликот на сликарските четки се прилично индивидуални, па се препорачува да експериментирате пред да одлучите. Да кажеме најчест избор се 1-2 поголеми рамни четки и неколку округли помали четки за детали.
Водете грижа за своите четки. Чистете ги веднаш, после секое користење со помош на вода, а можете да користите и малку сапун за тврдоглавите наслаги од боја. Добро исушете ги со хартиена салфета или марамче.
Хартија или платно?
Уметниците кои создаваат дела со акварел техниката претпочитаат хартија наспроти сликарско платно, кое е така вообичаено за останатите техники. Причината е практична, потребно е подлогата е да ја впива што повеќе водата, а тоа лесно се постига со хартијата. Што повеќе тежи хартијата, толку може да поднесе повеќе вода а да не се набира или да и се промени структурата. Најтешката хартија наликува на картон, и тој е секако најидеален, но и некои со средна тежина можат да бидат соодветни поготово доколку ви се ограничени средствата. Важна улога во конечниот изглед на вашите дела игра и структурата на самата хартија. Грубата хартија со изразени набори ќе додаде текстура на вашите дела бидејќи бојата ќе се задржи во малите отвори на површината на хартијата. Интересно е дека многу често двете страни од еден лист хартија се разликуваат по структурата, па можете да изберете да творите на страната на која повеќе ви одговара генерално, или едноставно онаа која повеќе ви е соодветна во вашето моментално расположение или за делото кое сте го замислиле.
Уметниците кои создаваат дела со акварел техниката претпочитаат хартија наспроти сликарско платно, кое е така вообичаено за останатите техники. Причината е практична, потребно е подлогата е да ја впива што повеќе водата, а тоа лесно се постига со хартијата. Што повеќе тежи хартијата, толку може да поднесе повеќе вода а да не се набира или да и се промени структурата. Најтешката хартија наликува на картон, и тој е секако најидеален, но и некои со средна тежина можат да бидат соодветни поготово доколку ви се ограничени средствата. Важна улога во конечниот изглед на вашите дела игра и структурата на самата хартија. Грубата хартија си изразени набори ќе додаде текстура на вашите дела бидејќи бојата ќе се задржи во малите отвори на површината на хартијата. Интересно е дека многу често двете страни од еден лист хартија се разликуваат по структурата, па можете да изберете да творите на страната на која повеќе ви одговара генерално, или едноставно онаа која повеќе ви е соодветна во вашето моментално расположение или за делото кое сте го замислиле.
Планирање на композиција
Кога го имате целиот прибор можете да почнете. Многу е важно да ја испланирате површината која ќе биде во бела боја. Во акварел техниката оваа површина ја добивате така што едноставно ќе ја избегнувате. Можете да сликате околу неа или ако ви е полесно да користите маскирана течност, за да бидете поопуштени. Со неа најпрво ќе ги прекриете деловите кои треба да бидат бели а потоа слободно сликајте. Таа ќе се исуши и лесно ќе ја отстраните подоцна.
Важно е уште пред сликањето да ги испробате боите, за да видете со какви точно нијанси имате работа. Користете голем сад за вода. Водата внатре секогаш нека биде чиста. Штом забележите дела водата добива кафена боја, променете ја. Единствено така на подлогата ќе ги добиете нијансите кои ги имате замислено. Исто така обрнете внимание на четката бидејќи ако со неа земете премногу боја, а не сте ја измиле доволно, на подлогата ќе се појави кафена боја а не онаа која сте ја земале од палетата.
Не се обидувајте да направите вашиот акварел да изгледа како акрил или масло на платно. Нивната убавина е во транспарентноста и недоволнота контрола на потезите. Затоа и ги користите на крајот на краиштата. Добро е да знаете дека не морате да се откажете од одличните резултати на акварелите ако нивната непрецизност ве одбива. На располагање ви се и таканаречените акварелни боици со кои можете прецизно да цртате и да им додадете на крајот вода за класичен акварел ефект.
