Денес сликарското платно е, без сомнение, најпопуларно за создавање на слики. Освен тоа што е лесно и едноставно за транспорт, платното поставено на блинд рамка дозволува големи формати, стабилно е, а ако е подготвено и чувано на вистинскиот начин тогаш е речиси вечно. Што значи, ако сакате вашите дела да бидат трајни, трудете се да ги правите токму на платно кое е квалитетно и наменето за вашата сликарска техника. Ние ви пишуваме за неколку упатства за избор и неколку совети за решавање на проблемите кои можат да се појават кога станува збор за оваа сликарска подлога.
Што треба да имате на ум кога бирате сликарско платно?
Доброто сликарско патно треба, пред сè, да биде поставено на соодветна блинд рамка. Тоа е рамка изработена од суво дрво, чии летвици се доволно широки за дименизиите кои ги носат, без јазли и испакнатини поради кои би можело да се деформира при затегањето на платното. Платното треба да биде еластично но добро затегнато, без набори. На вас е да одберете дали сакате ленено или памучно кое е финансиски поповолно. Иако нивниот квалитет е доведен скоро на исто ниво, факт е дека лененото платно е поеластично и подобро ја поднесува “ работата на платното“ ( ширење и собирање поради промена на температурата и влажноста на воздухот) па поради тоа е со подолг век.
Какво платно одговара на вашата техника?
Веќе подготвените платна кои можете да ги најдете на пазарот се генерално наменети за работа со акрилни и маслени бои. Тоа значи дека платното е грундирано ( премачкано со заштитен слој кој не дозволува врзивното средство од маслените бои да продре до самото платно и со тек на времето да го нагризе) и примирано (завршен бел слој кој кај овие платна е на акрилна база). Доколку сепак наидете на платно во чие упатство е нагласено дека е подготвено само за акрилни или само за маслени бои, строго придржувајте се до него.
Важна работа при изборот е и самата финост на платното, тука морате да го послушате вашиот стил на сликање. Како лазурите или густата боја ќе се однесуваат на платното зависи од тоа дали е мазно со едвај видливи бразди или е грубо ткаено. Најсигурен а веројатно и единствен начин да дознаете какво ткаење ви одговара вам е да испробате што повеќе различни типови. Ако се најдете во ситуација кога сте сигурни дека ви е потребно мазно платно, а пред себе имате платно со изразена структура можете да ја ублажите со нанесување на додатни слоеви на средство за примирање - пример ) со фино стргугање на секој слој пред премачкувањето на наредниот).
Платната можат да имаат различен степен на апсорпција, а што најмногу одговара на вашиот начин на сликање повторно ќе дознаете само со експериментирање. Апсорпцијата ( моќта на впивање) исто тако можете да ја намалите со додатни премази на примери на акрилна основа, премаз со акрилни бои или акрилен гел медиум и таквото платно можете да го искористите за сите сликарски техники. Со примерот на маслена основа ќе добиете посебно мазна и потполно неапсорпирачка површина која ги истакнува добрите страни на маслените бои но преку него ќе можете да сликате исклучиво со маслени бои.
Во какви услови треба да се чуваат платната/сликите?
Погрижете се платната да не ги чувате во премногу влажни простории или во простории каде температурата и влажноста на воздухот често осцилираат. Исто така, одалечете ги од ѕидовите на кои се создава кондензација и од изворот на топлина ( рефлектори, грејни тела). Кога ги складирате бидете посебно внимателни за начинот на кој ги пакувате - ако наслонувате платно на платно ( или слика на слика), секогаш тоа го правете така што лицето на едната да е свртено спрема лицето на другата слика а задната страна со грбот на другата. Нека се наслонуваат на рамките, никако на начин на кој рамката од едната слика да го боди платното на другата бидејќи така настануваат оштетувања во вид на вдлабнатини на платното а така многу лесно можат и да се раскинат.
Како да се “поправи“ опуштено платно?
Сепак, доколку платната не сте ги чувале на вистинскиот начин или истите биле изложени на претерена топлина, може да се случи платното да се опушти (без оглед дали на него веќе се наоѓа слика или не). Првиот начин да го решите овој проблем е да поставите клинови кои сте ги добиле со блинд рамката и полека да ги поставувате додека не бидете задоволни со затегнатноста на платното. Така рамката може да се прошири и до 5mm што генерално е сосема доволно.
Друг начин е со вода да ја попрскате задната страна на платното - како ќе се суши така и ќе се затегнува. Со навлажнувањето со вода можете да ги решите и вдлабнувањата на платното, кои се најчесто последица од лошото складирање - со сунѓер навлажнете го делот кој е деформиран, оставете да се исуши, па повторете колку пати е потребно за да се исправи.
А како да се спаси искинато платно?
Колку и да бидете внимателни, вакви работи се случуваат. Има сликари кои со енергичните потези со шпатула можат да го оштетат платното а има и такви кои самата слика толку го обзема па стануваат несмасни и можат да го оштетат платното или да дозволот промајата да го собори (горниот дел од штафелајот е исклучително корисна работа ). Платното може да падне и да не се оштети (меѓу сликарите кружи шала дека таа слика сигурно ќе се продаде), а може да падне и платното целосно да се искине. Што тогаш ? Парче од природно платно (памучно или ленено) во големина на раскинатиот дел едноставно залепете го од задната страна со помош на акрилен шепс, акрилен гел медиум, дрвофиск или сличен бел лепак, а кога ќе биде суво, нерамнината кое е настаната на лицето на платното прецизно пополнете ја со лепак, структурна паста или само замаскирајте со боја. Сепак, ако раскинатиот дел е во големи димензии и во повеќе насоки, а на платното сеуште не се наоѓа слика, најсигурно е тоа платно да го отстранете од рамката и да ставите ново.
