Ова е техника која веројатно ќе ве изненади со својата едноставност, техника за која не е необходно да бидете посебно талентирани ниту да имате искуство со сликарство, а со помош на која брзо ќе дојдете до неверојатно елегантни и декоративни композиции. Сепак, она што е потребно за да бидат резултатите импресивни е многу вежбање, па пожелно е да бидете вредни, трпеливи и истрајни доколку сакате да го пробате овој начин на сликање. Дали ве заинтересиравме?
Називот „One stroke painting“ преведен на наш јазик би значело сликање со еден потег а најважната карактеристика е токму тоа што ни говори и самиот назив - формирање на облик од повеќе бои но само со еден потег со четката. Популарноста на овој начин на сликање расте во последните години благодарение на Дони, уметничка од Америка, која ја усовршила оваа техника и со неа ги подучува учесниците на нејзините работилници, кои она што го научиле го пренесуваат понатаму, па и на нашите простори може да се наиде на курс за совладување на оваа техника.
Претпоставка е дека се појавила уште во XVIII век како начин на украсување на мебел и садови - искусна рака на овој начин доста брзо би насликала предмет а тоа било погодно за комерцијални цели. За да ја совладате оваа техника можете да посетите курс, како што спомнавме, каде предавачите би ве научиле на потезите и правилата со помош на кои најлесно и најбрзо ќе дојдете до добри резултати, но сметаме дека до добри резултати можете да дојдете и сами, со вежбање и експериментирање со видеа во кои се демонстрирани основите потези. Во двата случаи ќе ви биде потребен прибор за работа кој ќе содржи неколку соодветни четки, акрилни бои и подебела хартија или сликарски платна. Нешто од ова сигурно имате и дома па би можело да се каже дека ова не е претерено скапа занимација.
Прибор и материјал кој е потребен
Подлога - За почеток секако најдобро е да користите подебела хартија или картон (бел или во боја) додека вашата рака не ги усоврши потезите, а подоцна можете да преминете на сликарско платно на рамка или подготвено платно на картон на кое вашето дело ќе изгледа посериозно и комплетно. Подлога исто така може да биде и дрво, стакло, керамика, пластика па и текстил, со тоа што овие подлоги потребно е да имаат соодветна подготовка и необходно е да бидат мазни. Предметите како ваза и чаша оставете ги за подоцна бидејќи за повлекување на потези по кружни облици потребно е посебно извежбана рака.
Бои
Во овој случај наједноствно е да работите со акрилни бои, а како што веќе знаете тие се погодни за работа апсолутно на сите подлоги: на хартија, картон, платно и на останатите веќе спомнати материјали. Вода обично не ви е потребна за разредување на боите во оваа техника, а не е ни пожелна, но ако процените дека бојата со која работите е премногу густа и остава суви траги по подлогата тогаш можете да користите некој од разредувачите за акрилни бои или слични медиуми. Можете да работите, се разбира, и со маслени бои или бои специјализирани за стакло или бои за керамика, со тоа што се препорачува истите да бидат покривни за да биде ефектот повидлив, што не значи дека не смеете да експериментирате со транспаретните бои.
Четки
Можеме да кажеме дека овде сликарските четки се најбитен дел од приборот - што повеќе ги имате толку ви се поголеми можностите. Издвојте ги од својата колекција оние рамните, со еластични и мазни влакна, не премногу меки како четките за акварел но никако крути како што се четките со свински влкана кои се користат за масленото сликарство. Нека бидат густи за да можат да впиваат доволна колчична на боја и нека бидат зачувани бидејќи разлетаните влакна не се пожелни.
Ако ги купувате посебно за оваа техника изберете токму такви какви што опишавме и не двоумете се да побарате помош од продавачот или совет од сликар, бидејќи погрешно избрана четка може да ви донесе проблеми кои брзо ќе ве натераат да се откажете. Чувајте ги и негувајте ги за да останат еластични и да го задржат обликот бидејќи за овој вид на сликарство најважни се карактеристиките на добрата четка. Не е лошо да спомнеме дека потребна ви е и палета на која ќе ги мешате боите и ќе ја „ полните четката“, како и сад за вода каде ќе ги чистите четките и бришете или крпа со која од четките нежно ќе го избришете вишокот на вода пред да ја земете наредната боја.
Најчесто на овој начин се сликаат мотиви од природата - цветови и лисја, со поедноставување и стилизација на формата. На една слика може да биде користена исклучиво техниката на еден потег, но таа може да биде и само како дополнување или во комбинација со другите техники на украсување. Кога ќе донесете одлука дека сакате да ја тестирате својата креативност во сликањето со еден потег, пред се, соберете го потребниот материјал. А кога ќе го совладате начинот на полнење на четките со боја кој е пресуден за ефектот на меки премини на нијансите и ефект на сенка, а потоа ќе ги совладате и основните потези, ви останува само добро да ја планирате композиција и да испробате различни комбинации на колирит и подлога - со други зборови да си играте и забавувате.
3min 45sec
