Не штеди ги боите, дај и на твојата слика онолку колку што бара бидејќи само така ќе дојдеш до добри резултати. Но, немој да ги расфрлаш боите!
Затворај ги тубите со боја
Дали воопшто треба да го напишеме ова? Акрилната боја се суши со испарување на водата и ако ја оставиш тубата со акрилна боја отворена, после неколку часа бојата во неа нема да е веќе течна - ќе се исуши. После сушењето, таквата боја може да се разреди само со ацетон и слични растворувачи. Со други зборови - ќе биде неупотреблива и ќе ја фрлиш. Маслената боја се суши многу бавно и ако не ја затвориш тубата веројатно бојата ќе се исуши само на врвот и кога ќе го извадиш тој "чеп од сува боја" внатре сè ќе биде добро, но сепак внимавај.
Внимавај со истискањето на бојата
Стави на палетата онолку боја колку што ти треба за следниот половина час работа, ако зборуваме за акрилни бои. Бидејќи отприлика толку време и е потребно на акрилната боја за да се исуши, а кога ќе се исуши веќе нема да можеш да ја користиш. Ако зборуваме за маслени бои - можеш слободно на палетата да подготвиш боја која ќе ја користиш во текот на целиот ден. Тоа е една од причините зошто сликарите сакаат маслени бои.
Прскај ги со вода боите на палетата
Многу сликари го користат овој трик за да ја зачуваат свежината на акрилната боја на палетата. Едноставно во прскалка стави вода и прскај ја палетата на секои 5-10 минути. Секако, ова важи само во случај ако користиш бои кои се разредуваат со вода! Никако ако станува збор за маслени бои.
Како да ги мешаш боите?
Кога мешаш нова нијанса од неколку бои, секогаш попаметно е во светла боја да додадеш темна за да не остане на палетата огромна количина на боја која не ти треба. На пример, ако сакаш светло сива нијанса немој да почнеш да ја правиш така што во црната ќе додаваш бела, туку обратно.
Зачувај ја бојата од палетата
Не ги фрлај измешаните нијанси туку спакувај ги во тегличка и искористи ги за сликање или барем за досликување на следната слика. Било какви садови или пластични чаши кои можеш да ги затвориш со фолија ќе бидат ок. Важно е само бојата да не е во контакт со воздухот. Фолија можеш да користиш и за да ја покриеш целата палета кога ќе паузираш за време на сликањето .
