Ова се некои од првите работи на кои ќе ве научат кога ќе отидете во уметничко школо или работилница затоа што - без алат нема занает. Првиот совет е дека мораме да ги чуваме четките - најситниот и најважниот дел од сликарскиот прибор!
Не ги оставај четките во вода.
Влакната на четката се прицврстени со лепак и притисок, таа обично има дрвена лакирана рачка и држач за метални влакна. Ниту на лепакот, ниту на металот, ниту пак на дрвото не им одговара да стојат во вода долго време. Значи, ако вашата четка помине неколку часа потопена во вода, лакот од рачката ќе се излупи, лепилото ќе се олабави и влакната ќе почнат да паѓаат, а металот може да 'рѓосува. Истото важи и за терпентин, со оглед на тоа дека е растворувач така да штетата ќе настане за многу пократко време. Ако поради некоја причина ги оставите четките во вода или во терпентин, нека бидат потопени само влакната сè до металниот дел.
Никогаш не оставај ги четки неизмиени
Донекаде е во ред да се исуши бојата на четката откако ќе се наслика со темпера или акварел бои. Но, ако маслена боја или акрилната боја се исушат на четката, тогаш можете веднаш да ги фрлите затоа што повеќе нема да можете да ја миете. Наш совет е кога немате време темелно да ги измиете четките, тогаш барем отстранете ја бојата од нив со крпа, а потоа завиткајте ги во фолија. Така, може да останат и неколку часа, до првата можност за миење. Точно, постојат начини да се раствори исушената боја, но четката никогаш повеќе нема да биде старата по ваквиот третман.
Не мијте ги четките со врела вода
Бидете вредни, мијте ги четките веднаш по сликањето, но никогаш со врела вода. Причината за тоа е повторно лепилото кое ќе омекне и олабави под врела вода. Не сакате влакна да паѓаат низ целата слика. Користете млака вода и сапун (претходно терпентин ако станува збро за маслена боја).
Немојте после миење да ги сушите свртени нагоре
Причина? Водата која се наоѓа на врвот на четката ќе почне да се слева во металниот дел и кон дрвената рачка. Знаете веќе дека ова нема да му се допадне на ниту еден дел од четката. Најдобро е да ја исцедите водата од влакната колку што е можно повеќе, а потоа ставете ја четката на крпа или на салфетка во хоризонтална состојба и оставете ја да се суши. Или користете некои од држачите за четки.
Немојте да ги чувате свртени надолу
Кога четките ќе се измијат и исушат треба да се зачуваат до наредната употреба. Но не било како! Можете да ги чувате во хоризонтална положба или во садови (како што и обично правиме), но никогаш влакната да не се свртени надолу, туку врвот на четката треба да е секогаш нагоре. Ако четката била свртена со влакната на дното од садот, притисокот врз влакната трајно ќе ја деформира, особено ако зборуваме за фини и природни четки. На овој начин ќе имате и подобар преглед и подобро ќе ја најдете четката која ја барате.
