Професионалните сликари или барем повеќето од нив без многу размислување ќе Ви кажат дека четките за сликање се најважниот прибор за еден сликар. Нема да должат затоа што без дилема е така. Истите тие професионалци сликаат најчесто со маслени бои на платно, па ред е да се одговори на прашањето кои се потребните и соодветните четки за најдобро да го искажете својот талент.
Еластичност и стабилност
Добрата четка пред се ќе го задржи својот првобитен облик додека на себе има боја и после секое движење ќе се врати во првобитниот облик, значи мора да има цврста структура на влакната но во исто време да биде и еластична. Ова најнапред се карактеристики на четките со природни влакна па затоа Ви ги препорачуваме нив наместо оние со синтетички влакна.
Се разбира постојат и четки со синтетички влакна кои можат да одговорат на овој предизвик. Лесно ќе ги препознаете – производителот ќе напише дека се синтетички но дека се соодветни и за маслени бои.
Природни или синтетички влакна
Горе наведениот критериум е најважниот критериум и производот кој не го исполнува едноставно не можете да го користите но следно што е важно е да знаете кој тип на влакна Ви е потребен за кои потези. Четките со природни влакна обично се прават во два вида: со остри и кратки, најчесто од влакна од дива свиња и со долги и меки најчесто од влакна од самур (сибирска невестулка со скапо крзно). Четките со влакна од дива свиња се најдобри во големина од 1,5 cm и повеќе и користете ги за да го започнете своето дело. Постои можност целата слика да ја изработите користејќи ги само овие четки, но ако сакате фини потези, тенки линии, да насликате детали, посебно оние ситните ќе Ви треба четка со влакна од самур. И овде треба да го прочитате описот на производот – некои четки со влакна од самур се произведуваат за водени бои, а тоа значи дека никако нема да одговараат за маслени бои бидејќи нема да ја имаат погоре наведената неопходна еластичност.
Треба да се спомне дека многу производители нудат четки со влакна од други животни (на пример пони) или со вештачки влакна (најлон) наменети за маслени бои на платно, по пониски цени. Не треба да се потценуваат овие производи , можат да бидат многу добро направени а со самото тоа да бидат и добра замена . Но ако немате време или пари да пробате – одете на сигурно, а тоа се четки со влакна од самур и дива свиња.
Должина на рачката
Додека кај сликањето со акрилни бои должината на рачката е прашање на избор или навика на сликарот, кај сликањето со акварели се препорачува кратка рачка за да можете полесно да го контролирате протокот и истекувањето на боја на подлогата, за маслени бои се препорачува долга рачка од многу објективни причини. Кога сликате со маслени бои , четката е во хоризонтална положба а, подлогата во вертикална, така да подолгата рачка ќе Ви ја овозможи потебната рамнотежа додека сликате , потезите Ви се сигурни и лесно ќе го постигнете посакуваниот ефект.
Форма на влакната
Што се однесува до формата на четките , на Вашиот избор не треба да влијае техниката, односно маслените бои, туку движењата, линиите и формите кои сакате да ги видите на платното.
- Рамни четки (се разбира, влакната се рамно сечени, може да се каже во форма на правоаголник) се најпродуктивни при секоја техника , па и кај маслените бои. Вештите раце ќе помогнат нивните влакна лесно да произведат широки и тенки линии, дури и триаголни движења. Исто така четката во оваа форма најмногу ќе ја користите при пополнување на поголеми површини со боја или за премин од една површина во друга.
- Округли четки (имаат кружен, а понекогаш и малку зашилен врв) се користат за тенки линиии, за сликање на детали или пополнување на мали површини со боја. Некои, со сигурност многу вешти сликари, успеваат со овие четки да насликат цел спектар на линии до таа мера да другите четки не им се потребни. Без оглед на тоа што нивните вештини се за пофалба, можеби не е добра идејата да се ограничувате вака.
- Четки мачкин јазик (слични се на рамните четки но краевите им се заоблени, и да по формата наликуват на јазик на мачка по што го добиле и името) на платното имаат така наречен калиграфски ефект, а добри се кога сакате Вашите потези јасно да се видат. Недостаток при сликањето со маслени бои е во тоа што овие четки можат на Вашата површина да пренесат голема количина на боја но можат и да ја отстранат исто така во големи количини, па потребно е малку вежба.
- Filbert четките (кога рамните и окружните би имале дете , тоа би биле Filbert четките) овална форма, а такви се и потезите, можете да ги користите кога сакате нежни движења од оние кои исчезнуваат при употребата на рамни четки.
- Кога е потребно да поврзете две различни текстури, најкорисини ќе Ви бидат лепезастите четки ( самото име кажува, по формата наликуват на лепеза)
Големина
Големината на четките исто така не зависи од самата техника. Иако би требало да биде нешто многу конкретно затоа што во прашање се броеви, не постои стандард, па секој производител има свои големини зад кои се кријат различни димензии. Најчесто, големината е одредена од ширината и должината на влакната и големината на држачот за влакна. Дури и кога би имало стандард за обележување на големината,експертите не се согласуваат за тоа која големина е соодветна или неопходна.
Преовладува мислењето дека треба да се определите за златна средина, односно да земете некоја средна големина со која со малку вежба ќе постигнете и дебели и тенки движења за кои можеби сте мислеле дека Ви е потребна друга четка. Друг интересен начин за ја одредете големината на четката е врз основа на големината на платното. Што поголемо платно, односно колку поголема е површината што треба да ја обоите , толку поголема нека биде Вашата четка во сантиметри. Најдобра варијанта е да ги откриете Вашите способности и да пробате различни големини.
Исклучиво важна работа поврзана за четките кои ги користите при сликање со маслени бои е нивното чистење. Да направите правилен избор на четки не е ни најмалку лесно, затоа треба апсолутно да се посветите кога ги набавувате и со големо внимание да ги чистите и чувате. Овој процес не е комплициран, само бара време, трпение и внимание, па на него посебно ќе му се посветиме наредната недела.
