Секој почеток е возбудлив но тежок. Kога сте сликар почетник или аматер неизбежно е прашањето за вистинскиот избор на прибор. Изборот е голем и можете лесно да се изгубите при толку можности на денешниот пазар. Колку и да сте талентирани да правите уметнички дела на платно сигурно ќе Ви треба помош да ги набавите оние алатки кои нема да Ве спречат во тоа.
Сликарската четка може да биде пресудна за успех на идното уметничко дело. Таа ќе биде Вашето волшебно стапче и продолжена рака за да ја пренесете Вашата замисла на платното. Затоа не смеете лесно да ја одберете. Бидејќи Ве советуваме да почнете да сликате со акрилни бои, да видиме кои се сликарски четки треба да ги одберете за оваа техника.
Видови сликарски четки
Сликарските четки ги има во различни форми и повеќето од нив името го добиле токму по тие форми па лесно ќе се снајдете. Секоја форма има своја намена:
- Округли четки - со кружен врв понекогаш малку шилест, потребни Ви се за сликање на тенки линии и контури, да насликате некој ситен детал или да ги пополните со боја малите површини; потесни се на врвот а пошироки на дното така да со притисок можете да ја контролирате дебелината на линијата која ја цртате.
- Рамни четки - нивните влакна се рамно сечени и можат да бидат долги или кратки, ќе Ви користат за цртање на дебели линии, да пополните со боја поголеми површини, идеални се за лакирање.
- Мачкин јазик - има рамно сечени испреплетени влакна чии краеви се заоблени. Одлични се за нанесување на големи количини на боја во кратки и брзи потези.
- Filbert четки - во прашање се четки чиј врв е заоблен така да на крајот влакната се најкратки а потоа се подолги; името го добиле бидејќи потсеќаат на лешник (од француско потекло), а ќе Ви користат доколку сакате да вклопите различни делови на слики една во друга.
- Лепезасти - влакната им се рамни и распоредени како лепеза а можете да ги користите за да ги омекнете рабовите и да поврзате различни површини.
Од Вашиот стил зависи какви четки ќе користите, но бидете спремни да набавите од секој вид барем по една освен ако немате многу специфичен стил. Ако на почетокот буџетот Ви е ограничен набавете една кружна и една рамна.
Должина на рачката и тип на влакна
Колку долга ќе биде рачката која Ви одговара зависи исклучиво од Вашиот стил и начин на сликање. Кратките рачки Ви остават впечаток дека држите молив па лесно ќе навикнете на овој тип на четки. Тие ќе Ви одговараат ако сакате да бидете близу до платното додека сликате. Ако сакате да бидете на поголемо растојание долгата рачка ќе Ви биде неопходна. Држењето на четка со долга рачка е како да држете волшебно стапче а зошто да не, сликарството е еден вид магија.
Влакната можат да бидат синтетички или природни. За акрилни бои Ви препорачуваме четка со синтетички влакна бидејќи подобро го поднесуваат хемискиот состав на акрилните бои. Тие можат да ги оштетат трајно четките со природни влакна. Исто така, синтетичките четки остануваат цврсти кога ќе ги навлажнете за разлика од природните. Имајте на ум дека природното не е секогаш најдобро.
Големина
Кога е во прашање големината за жал не постои стандардна големина туку таа се разликува од производител до производител. За сите нив важи дека постои голем избор на големини и дека можете да ги најдете од многу тенки до многу дебели.
Како и обично најдобро е златна средина. Големината не е пресудна нити секоја големина има своја намена. Сконцентрирајте се на формата а големината нека биде средна ни мала ни голема. Нека пресуди Вашиот здрав разум, не морате да ја знаете големината во сантиметри, таа секако варира во зависност од марката.
Чистење
Кога ќе ги изберете четките што Ви одговараат никако не смеете да ги занемарите. Поголемиот број искусни сликари ќе Ви кажат дека никогаш не ги фрлат старите четки зошто можат некогаш да им затребат. Тоа значи дека тие постојано се грижат нивните четки секогаш да бидат во одлична состојба. Четките се Ваш главен сојузник и заедно со нивна помош го креирате Вашето дело, затоа после секое користење обезбедете им нега и исчистете ги. Пред да нанесте сапун и вода со хартија или пешкир отстранете го вишокот на боја и вода од влакната. После тоа ставете ги во млака вода и внимателно отстранете го остатокот. Нанесете сапун ( постојат посебни сапуни за сликарски четки, но можете да користите и обичен сапун за раце, не користете течен затоа што тој може да ги оштети), исплакнете и проверете да не останало боја некаде.
Ако сте посигурни кога користите професионална опрема и средства, постојат посебни средства за чистење на четките за сликање. Пред употреба внимателно прочитајте го упатството, на каква база се и после кои бои и средства можат да се користат. Внимавајте да изберете течност која е навистина средство за чистење а не некоја погрешна смеса која само личи на тоа или не дај боже бензин и слични супстанции за кои сте слушнале од некој близок дека имаат одличен ефект. Единствениот ефект кој ќе го постигнете со нив е само уништување на Вашите помагала.
Освен чистењето, за нега на Вашите четки важно е никако да не дозволувате на нив да се исуши бојата. Исто така не е добро четките додека ги користите или после употребата да Ви стојат во чаша вода нивните влакна со сигурност ќе се оштетат. Пронајдете начин четките да Ви стојат хоризонтално на пример на крајот на масата или палетата. Тоа што може да Ви помогне кога бојата ќе се исуши на влакната на четките е горе наведеното средство за чистење. Значи доколку сте заборавиле да ги исчистите бидејки сте расеан уметник средството со соодветен хемиски состав ќе ги спаси Вашите четки.
Кога бирате прибор одлучете се што точно Ви треба пред да тргнете во набавка бидејќи покрај големиот избор кој Ви се нуди можете да завршите со погрешен прибор во помали или поголеми количини. Кога ќе го најдете соодветниот прибор сетете се колку тешко сте го пронашле, тоа ќе Ви даде волја и трпение на соодветен начин да се грижите за нив.
