Едвај да имате позитивни чувства кога помислувате на 'рѓа. Не е добро кога ќе се појави на површината, тешко е да ја отстраните, а дефинитивно не е добро ни кога ќе кажеме за човек дека е “зарѓан“. Меѓутоа во сите аспекти на човековото дејствување, потполно е нормално нешто што во еден период се смета за грдо во следната фаза да биде нешто најубаво. Перспективата од која надгледуваме нешто е многу важна, а самата дефиниција за убавина ни кажува дека таа се наоѓа во окото на надгледувачот и дека тој одлучува за неа, а не самиот изглед на предметот. Тоа е веројатно и причина за промена на нашите ставови за тоа што е убаво.
Во последно време, посебно со порастот на популарноста на техниката декупаж, повторно исплива на површината нашата љубов спрема минатото, со самото тоа, предметите кои изгледаат како од некои минати времиња, прекриени со слој на патина и кои како да се сме ги наследиле од бабите, се доста сакани. Заедно со нив на сцена стапува и 'рѓата како јасен знак за староста на некој предмет. Како што пронајдовме начини на новите предмети да им додадеме патина, така пронајдовме начин и предметите да изгледаат како да се прекриени со 'рѓа, а сето тоа без нејзините непријатни аспекти како на пример мирисот. Ако се задлабочите во набљудувањето на самата 'рѓа и ако ги заборавите на момент нејзините негативни последици, ќе забележите дека нијансите кои 'рѓата ги создава се едни од најубавите во природата, а производите со ефект на 'рѓа доста успешно ја имитираат природата.
Pentart, производителот на одлични хоби прибори, се погрижи да имате избор на производи кои можете да ги користите за да добиете ефект на зарѓана површина. Тука се: Течна 'рѓа, Прашок со ефект на 'рѓа, Реагенси со ефект на 'рѓа како и Акрилна боја со овој ефект. Сами можете да го изберете производот кој најмногу ви одговара. Добро е да знаете дека примената на сите е подеднакво едноставна, иако тоа не би можело да се каже според нивните називи или на основа на ефектот кој треба да го произведат.
Течна 'рѓа
Течната 'рѓа е пакувана во шише од 20 ml кое од горната страна има апликатор за капнување за да можете полесно да ја користите. Таа има примена пред сè кај сликарите бидејќи е идеална за да се постигне ефект на 'рѓа на платно, особено кај модерните сликари кои прават колажи на платно од метални предмети како жици или конзерви. За да добиете ефект како предметите кои се на платно (или било која друга површина) да се прекриени со 'рѓа, најпрво примените светла акрилна боја со широка четка или дури и посебна бела акрилна боја за подлога, а потоа на површината додадете ги предметите кои ќе зарѓаат. Капнете преку нив течна 'рѓа и посматрајте како се создава ефектот. Самата површина нека биде издигната и речиси вертикална за да се појави 'рѓата на самиот предмет а и околу него. После 24 часа површината ќе биде потполно сува.
Песок со ефект на 'рѓа
Прашокот со ефект на 'рѓа можете да го користите во комбинација со било кои производи кои имаат структура на паста или во комбинација со реагенси. Прашокот отприлика во исти размери помешајте го со пастата. Смесата не мора да биде хомогена, а можете да ги мешате во сад или директно на површината на која работите. Кога доволно ќе ги измешате со помош на шпатула рамномерно намачкајте ги на целата површина. Ако сакате појак ефект, можете слободно да додадете уште прашок на веќе размачканата смеса и да ја ставите со шпатула или прстите. На овој начин ќе постигнете ефект на 'рѓа, но за да биде во повеќе нијанси и што послична на природната, на сцена настапуваат реагенсите. Тие исто така имаат апликатор на врвот за полесна примена. Ставете ја количината која ја сакате по различни делови на површината на која работите. Реагенсите доаѓаат во сет од 3 и секој произведува различна нијанса, така што најдобро е да ги нанесете сите три и со тапкање да ги нанесете на површината со сликарска шпатула додека не постанат во соодветната боја. Имајте на ум дека и бојата на пастата со која сте го мешале прашокот на почеток ќе влијае на нијасата која се добива.
Акрилни бои со ефект на 'рѓа
Акрилните бои со ефект на 'рѓа се можеби најлесни за употреба, а самиот ефект е доволно добар како и ефектот од другите производи. Овие бои се нанесуваат на површината на вообичаениот начин, со четка или сунѓер, а препорака е, поради пореалистичен ефект секогаш да ги користите сите нијанси една по друга, прилагодувајќи ги од најсветли до најтемни. На крајот, на површината додадете 3д прашок кој доаѓа во сет заедно со боите и кој ја прави вака украсената површина различна од обичната површина прекриена со акрилни бои.
Сите овие производи можете да ги примените на помали и поголеми површини. Исто така, добро е да знаете дека прашокот и реагенсите можете да ги додадете на површината на која прво сте нанеле лепак за декупаж и во тој случај паста или gesso не ви се потребни. Можете да направите фантастични комбинации со салфети или шаблони украсувајќи ја на тој начин површината. Ќе видите дека кога ќе завршите со декорирањето никој нема да може да забележи дека предметот не е со векови стар.
