Дали се сеќавате колку се радувавте кога ќе Ви купеа боенка кога бевте мали? Или кога ќе Ви пристигнеа новите дрвени бои и фломастери, па можете да ги избоите останатите цртежи? Ако мајките случајно ги зачувале Вашите боенки во нив можете да приметите како сте растеле и напредувале затоа што цртежите се посериозни и поубаво избоени, а нешто од нив може да се дознае и за Вашиот карактер, спрема начинот на кој сте ги пополнувале цртежите,може да се види дали ќе израснете во трпелива личност, а спрема тоа дали сте додавале сопствени цртежи на веќе постоечките , може да се заклучи уште по нешто за Вашата креативност но и за бунтовничките предиспозиции.
Убавата вест е дека боенките од неодамна им се приклучија на многу други работи кои до сега беа наменети исклучиво за деца, како компјутерските игри, а сега и возрасните можат да ги набават со мотиви прилагодени на своите интереси и да уживаат во боењето, да се вратат во детството, и најновите истражувања велат дека со нив може да се намали стресот.
Ефект против стресот
Трендот боенки за возрасни е релативно нов кој настана пред неколку години во Франција. Неговата популарност во Франција се зголеми многу, една од боенките за возрасни е продадена во околу 300 000 примероци. Набрзо трендот се рашири по Еропа и на крајот премина на Атлантикот и стана светски тренд. Авторите на цртежите и нивните издавачи тврдеа дека боењето помага да се ослободите од стресот, па и темите на цртежите се во согласност со ова: постојат мотиви од природата за релаксација но и магични мандали - кругови кои го симболизираат универзумот и во многу култури се користат за медитација.
Дури и ако првата помисла Ви е дека антистрес карактеристиките на боенките се само реклама, сетете се дека за повеќето луѓе детството е неизбежен период,а со помош на боенките лесно се враќате во него. Исто така, психолозите направиле многу студии кои докажуваат дека боите ни помагаат при одмарање на очите и одредени нијанси можат да ни помогнат подобро да спиеме и сонуваме. Тука е и фактот дека после цел ден поминат пред компјутер и телефон, нашите очи ќе ни бидат благодарни и ќе се одморат гледајќи во различни нијанси на бои.
Кои бои ги користат возрасните
Боенките за возрасни можете да ги боите со фломастери, дрвени боици или пастели, во зависност од вештините и трпението. За микс ефект користете акварелни боици со кои ќе можете прецизно да боите , а да имате ефект на водени бои. Во понудата можете да најдете и прибор во комбинација со цртежи спремни за боење. Наша препорака е да испробате што Ви одговара и што Ве смирува или Ве прави среќни. Користете дрвени боици ако сакате да бидете прецизни но нијансите нема да бидат така јаки. За јаки нијанси користете фломастери без многу да претискате за да избегнете пресликување на бојата
Истата препорака важи и за мотивите, не мора да значи дека и Вие ќе се чувствувате смирено со помош на мандалите, но затоа може да Ве развесели боење на некој пејзаж. Изберете со што ќе боите и препуштете се на уживањето.Обидете се што помалку да размислувате и да не ги почитувате правилата. Користете што повеќе бои и комбинирајте ги така што нивните контрасти и преливања ќе Ве направат задоволни и ќе им годат на Вашите очи, ништо друго не е важно
Zentangle
Ако сакате се да направите сами, односно да нацртате и избоите, постои уште едно решение во светот познато како техника Zentangle. Идејата е со помош на посебни фломастери со тенок врв и со многу квалитетно мастило да нацртате шари и украси. Тоа можат да бидат конкретни облици како цветови и срциња кои потоа ќе ги пополните со линии, а можете и да ги поврзете со паралелни линии, криви или прави на начин на кој Ви се допаѓа.Идејата на Zentangle техниката е да постигнете мир и да се ослободите од стресот така што Вашите линиите на хартијата ќе ги донесете во ред. Така настанатата сопствена боенка можете да ја обоите како сакате и со што сакате.
Не е важно дали сте талентирани за цртање или не, идејата на боенките за возрасни е овие техники да бидат блиску до секој од нас и секој да може да ужива и да се опушти, без многу размислување за своите креативни способности. Пронајдете цртеж кој ќе му годи на Вашето око или направете го сами а потоа обојте го со бои кои Ви се допаѓаат.
