При набавка на било кој производ "големиот избор" истовремено е наш најголем пријател и наш најголем проблем. Кога се подготвувате за набавка, многу е важно да знаете што точно Ви е потребно, што сакате и што Ви се нуди, за да не купите погрешен производ и да не потрошите повеќе пари отколку што треба. Кога зборуваме за сликарските платна, веќе видовме дека тие можат да бидат од памук или ленени, дека можат да бидат подготвени или можете да ги купите без премаз за грундирање и да ги подготвите сами, како и да изберете која боја ќе биде подлогата која ќе ја користите.
Уште една многу важна карактеристика на платното е формата. Како што можете да изберете дали сами ќе го пoдготвите платното или ќе го купите готово, така можете да изберете и во која форма сакате да биде сликарското платно. Познавањето што Ви се нуди во овој случај може да биде пресудно за успех на самото уметничко дело.
Платно во ролна
Платната во ролна најчесто се продаваат по метар должина или по метар квадратен.Обрнете внимание при купувањето дали се подготвени или не. И тие можат да бидат памучни или ленени, а важно е, ако се подготвени, да проверете за кој вид бои се. Тоа меѓу другото важи за сите форми на платно. Една од предностите на овие платна е секако цената. Многу често големите димензии на платна можете да ги пронајдете баш во овој облик отколку затегнати на рамка.
Овие платна за некој ќе бидат целосна слобода, за други пак премногу дополнителна работа. На Вас е да одлучите во која група спаѓате. За поставување на рамка ќе Ви треба додатен алат, како клешта за поставување на платното(која доколку еднаш ја набавите постојано ќе ја имате ) и летви за врамување. Ќе Ви биде потребна вешта рака за да го завршите овој дел од работата, ама со малку вежба и волја, ќе станете вистински професионалец. Со тоа, ќе имате целосна контрола над затегнувањето на платното, односно каде ќе бидат, некогаш шајките и чеканот, денес муницијата за хефталица која го држи платното на рамка. Во целост ќе зависи од Вашиот избор и потреба или креативно решение.Исто така, Ви дава можност за котрола над тоа колку Вашето платно ќе биде затегнато, што за некои начини на сликање е исклучително важно. Секако, доколку овој дел од работата е напорен за Вас и додека само размислувате за него, веќе сте свесни дека самостојното затегнување на платното на рамка не е она што Ви одговара.
Сепак, постојат работи кои можат да „тргнат наопаку“ ако немате доволно искуство, како на пример платното да се собере или да не биде добро затегнато и ако не знаете како да го спасите Вашето платно во тој случај (натопување на платното на задната страна, оставање на шајките или муницијата на пола и слично) ќе направите поголема штета отколку корист.
Освен што можете да ги поставете на рамка, платното кое го купувате во ролна можете да го залепите на подлога како картон или лесонит. Ова се користи од сликарите на чија техника одговара цврста подлога (поради јачината на потезите, поради користење на шпатула за гребање за да постигете одреден ефект или употреба на некои неконвенционални техники на сликање).
Интересно е да споменеме дека многу од современите уметници, чија креативност не знае за граници се манифестира токму на сликањето на платно во ролна кое е не е поставено на никаква рамка.Тоа подразбира дека платното можете да го исечете сами и да му дадете некоја необична форма или целиот под од своето ателје да го покриете со платно и да уживате во ширината и слободата.
Платно на картон
Платното на картон е варијанта замислена за почетници и оние кои сликаат од хоби.Тоа е практично сликарско платно од памук или лен залепено на многу цврст картон чија дебелина варира.Најчесто можете да ги најдете веќе подготвени. Предности на платното на картон се цврстината во комбинација со малата тежина,а тука е и цената, тие се идеални за сликање надвор.Можат да им послужат и на идните професионалци за вежба, но не се погодни за оние кои сакаат да бидат сигурни во трајноста на своите дела. Овие платна се со многу достапни цени, без додатна работа што може да биде предност која не треба да се занемари. Делото изработено на оваа подлога можете и да го урамите и да му дадете таков изглед да на прв поглед дури нема да биде видливо дали сликата настанала на вистинско сликарско платно или на оваа поекономична варијанта.
Добро е да знаете дека овие платна можете да ги најдете во некои неконвеционални форми како на пример кружна или овална.Овие облици можат да Ви послужат како инспирација или да Ви помогнат подобро да пренесете нешто што сте замислиле, па во таа смисла овие платна не морат да бидат само за почетници и оние кои сликаат од хоби.
Платно на рамка
Платното на рамка е варијанта на памучно и ленено сликарско платно затегнато на рамка во одредени димензии. Омилениот прибор на професионалците, исто така може да биде премачкано со Gesso премаз, но можете да го набавите и без премаз за грундирање. Во секој случај, треба да знаете дека кога купувате грундирано платно, некои сликари ќе Ве посоветуват уште еднаш површината да ја премачкате со премаз.Тоа се препорачува во случаите кога на сликарот не му одговара апсорпцијата на платното може да го премачка со нешто за да ја намали истата и да го спречи матирањето на бојата.
Направено е да трае, а самата рамка е достапна во различни дебелини.Одлуката за тоа која дебелина е соодветна и Ви одговара е на Вас донесете ја на основа на тоа како сакате платното да изгледа на ѕидот кога делото на него веќе ќе биде готово. Професионалците се многу благодарни за појавата на вакви платна на пазарот, затоа што им оставаат повеќе време да се посветат на самото дело. А исто така, благодарни се и оние кои сега се впуштат во сликањето поради несигурноста и непознавањето на процесот на импрегнирање и подготовка на платното.
Традиционалната дебелина е 2 см (хоби варијантите можат да бидат и со дебелина на рамката 1.5 см) се препорачува за слики кои ќе ги урамите кога ќе бидат готови. Ако сте со модерен пристап, тука се платната со дебелина од 4 см или 6 см кои се предвидени на ѕидот да ги поставите без рамка, а Вашата креативност може да се види и на страничните рабови на платното, а не само на вообичаениот преден дел. Така на своите дела им додавате уште една димензија.Исклучително важно е како овие платна се затегнати, односно каде се наоѓаат шајките кои ги држат затегнати. Кај затегнувањето на платната во ролна тоа сами го бирате, а кај оние што се веќе затегнати на рамка, на пазарот можат да се најдат двете варијанти.
Нема сомневање дека секоја од формите во која го купувате сликарското платно треба да Ви биде позната пред да го набавите, било да е тоа поради заштеда, или причината да е тоа што подлогата не треба да ја ограничува Вашата креативност туку да ја ослободи и овозможи. Размислете добро која форма најдобро се согласува со Вашиот начин на работа но и со карактерот. Од една страна економскиот момент не би требало да биде пресуден, а од друга страна добро е што постојат и економични варијанти како што е платното на картон, за да бидат достапни на секого.
