Пред сè, да утврдиме зошто може да дојде до олабавување на сликарското платно:
-На платното му пречат честите и големите осцилации на влажноста на воздухот
-Сликарското платно само по себе е еластично, но подолгиот притисок на платното ќе го деформира
-Дрвото од кое е направена рамката не е целосно суво
-Ако самите го затегнувате платното постои можност да не сте го направиле тоа како што треба и од старт истото не е доволно затегнато
Како можеш да го избегнеш истегнувањето на платното?
-Кога ги поставуваш платната едно до друго внимавај аголот на едното платно да не го прободи другото, туку да се потпрени едно до друго со рамките
-Чувај ги платната во простории каде влажноста на водухот е стабилна и нема големи скокови на температурата
-Потруди се да користиш платна со проверен квалитет
-Доколку твојата техника на сликање бара јак притисок со четката или шпатулата на платното, тогаш можеби е време да размислиш за платно на картон или платно на лесонит како подлога за твоите дела
Сепак, дури и на највнимателните сликари им се случува кога ќе дојде време за сликање платното да не е доволно затегнато, се гледаат набори во аглите, после притискање платното не се враќа во првобитната состојба туку останува вдлабнатина на него... Што тогаш? Имаш три опции: Клинови, Вода, Замена на платното. Никако не почнувајте да сликате на такво платно верувајќи дека во меѓувреме ќе се случи некое чудо.
Клинови
Прв начин е да ги искористиш дрвените клинови кои ги добиваш со платното. Ги ставаш сите 8 парчиња во вдлабнатините кои се наоѓаат на аглите на задната страна на рамката и лесно ги чукаш. На тој начин рамката се шири и до 5mm од секоја страна, па платното, логично се затега.
Вода
Ако клиновите не се доволни и ги немаш и ова може да ти помогне:
Испрскај со вода, може и со прскалка, или со сунѓер добро навлажни ја задната страна од платното и остави да се суши неколку часа во хоризонтална положба. Како што ќе се суши платното така ќе се затега во совршен облик.
Ако ни еден од овие два трикови не ти помогне и сеуште не си задоволен од цврстината на платното, сепак, не почнувај да сликаш на платно. Најдобро е да го извадиш платното од рамката и повторно да го затегнеш ако не се оштети за време на вадењето. Ако платното е оштетено на местото каде што биле шајките тогаш е подобро на истата рамка да затегнеш ново платно, а тоа што го извади искористи го за помала рамка.
