Одлично е тоа што постојат толку многу бои со различна намена и различни ефекти бидејќи речиси се што ќе ви падне на памет, па и оние најлуди идеи, можат да се реализираат иако може да биде комплицирано кога меѓу сите тие варијанти треба да се избере вистинската. Навистина, производителите се трудат да ни помогнат во потрагата со називите и пакувањата со асоцијации, но во овој случај, на пример тоа може да не збуни, зборуваме пред се за флуоресцентни, фосфоресцентни и неонски нијанси и знаеме дека знаете за кои бои станува збор, но можно е да не сте потполно сигурни каква е разликата помеѓу нив.
Заедничко им е тоа што сите се на некој начин се светли, блескаат и светат. На кој начин вашето дело ќе заблеска кога на него ќе ставите една од овие бои зависи од составот на секоја од нив, што значи, од хемијата. А зошто доаѓа до тие појави е прашање од физика и тоа како нивните честици ја примаат и емитираат енергијата. Се разбира, нема да се осудиме да ги погледнеме од аголот на која било од овие две науки, туку ќе се позанимаваме со овие бои од некој сосема трет агол и ќе се држиме исклучиво до тоа што е видливо со голо око.
НЕОН нијанси
Иако неонот е гас кој е познат по тоа што под одредени услови свети, боите на кои стои ознака „ неон “ не се задолжително бои од кои треба да се очекува дека ќе засветаат кога ќе го изгасите светлото. Оваа ознака главно говори дека тоа се нијанси кои се на дневна светлина изразено јаки и светли, но во мракот ќе засветаат само ако се најдат под UV ламба.
Моментално популарни се парчиња облека и обувки во вакви бои - тоа се оние патики кои не можете а да не ги забележите кога ќе поминат покрај вас, а на посебно ведар и сончев ден погледот во вака обоен предмет може да биде малку и непријатен. Ќе ги пронајдете како акрилни бои, како маси за моделирање но и како бои за текстил, така да можете да се забавувате на многу начини, со детали на ткаенините или ситници за ентериер.
ФЛУОРЕСЦЕНТНИ бои
Флуоресцентните или УВ-активните бои можат да имаат дискретна боја, можат да бидат со впечатливи нијанси а можат да бидат целосно транспарентни и невидливи во текот на денот и на стандардно осветлување во просторијата, но кога ќе бидат изложени на УВ-светло во темнината ќе станат, и тоа како, видливи. Веднаш штом ќе ги отстраните од УВ-изворот, боите ќе престанат да светат.
Често се користат на таканаречните UV- журки, со нив можете да оставате натписи, да исцртате нешто на ѕидовите или на маиците - нешто што преку ден нема да биде забележливо, но ќе стане видливо во просторија со UV осветлување. Исто така, можете да ги купите во повеќе форми - флуоресцентни бои во пенкало или маркер се идеални за водење тајни белешки. Единствен проблем кај овие бои може да биде тоа што со нив ќе треба да имате UV ламба, бидејќи без неа немаат поента.
ФОСФОРЕНЦЕНТНИ бои
Кога ќе се сретнете со производ на кој е означено дека станува збор за фосфоресцентна боја бидете сигурни дека со таквата боја ќе добиете површини кои во мракот, без никаков извор на дневна или било каква вештачка светлина некое време ќе светаат. Единствен услов е пред тоа да бидат изложени на светло бидејќи тие практично преку ден се „ полнат“ за да светат во мракот. Прва асоцијација ни се звездичките и месечината кои ги имавме или кои нашите малечки и денес ги имаат залепени на таванот на собата - токму на тој принцип функционираат и фосфоресцентни бои.
Најдобро е боите од овој тип да ги нанесете преку бела мат површина, на тој начин нивните пигменти и ефектот ќе дојдат до израз. Колку е подебел слојот боите ќе бидат повеќе видливи, но секогаш е подобро до дебели слоеви да дојдете преку повеќе тенки па придржувајте се до тоа. Генерално се на акрилна база и одговараат скоро на сите материјали, а можете и да ги комбинирате така да - на играта и нема крај.
И нешто друго, приметивте дека на почетокот се повикавме на производителите кои умеат да не збунат со називите, а сигурно забележавте дека во овој текст често ги користивме зборовите „ обично“ и „ генерално“ што би значело дека при купувањето на вакви производи треба, пред се, добро да размислите кој ефект ви е потребен, а потоа да се распрашате за бојата која ја купувате за да бидете сигурни дека е токму онаа која ви е потребна.
