Денес сме тука за да разбиеме 5 веројатно и најчести заблуди во врска со маслените бои и сликањето воопшто. Време е да престанат да не "мачат" од страна за да можеме целосно да се препуштиме на создавањето и да уживаме во процесот, бидејќи тоа е еден од најважните услови за создавање на добра слика, ако се согласувате…
Дали бои од различни брендови може да се мешаат?
Бои од различни брендови можат и тоа како да се мешаат и тоа не важи само за маслените бои, туку и за акрилните, темпери, бои за текстил или керамика. Она што е важно е дека не смеете да мешате бои кои се направени на различни основи, односно не можете да мешате маслени и акрилни бои или пак бои за текстил со боја за стакло бидејќи имаат различен состав. Единствениот начин на кој можете да комбинирате акрилни и маслени бои е првите слоеви да бидат обоени со акрилни бои, а кога ќе се исушат целосно над нив можете да сликате со маслени бои.
Дали со маслени бои може да се слика исклучиво на платно?
Поради изразот "масло на платно" луѓето понекогаш мислат дека маслените бои се резервирани исклучиво за сликање на платно или обратно - дека на платно може да се слика само со маслени бои. Ова трдење е, се разбира, неточно. Можете да сликате со маслени бои на било која површина, но потребно е површината да биде подготвена, односно премачкана со соодветен прајмер, со цел сликата да биде трајна. Може да биде картон, лесонит, дрвена површина, подебела хартија, но и некои поретки материјали што внимателно ќе ги подготвите, водејќи сметка за издржливоста и на вашето дело.
Дали сликите насликани по модел се секогаш подобри од оние насликани по фотографија?
Друга тема за полемика, која, се разбира, не е поврзана исклучиво за сликање со маслени бои. Точно е дека сликањето според жив модел има свои предности, но не е нешто што нужно го одредува квалитетот на сликата. Точно е дека фотографијата ви ја одзема можноста да му пристапите на вашиот модел но за да добиете впечаток како изгледа насликајте го не само она што е видливо од одреден агол, туку и неговиот карактер. Истото важи и кога вашиот модел е природа.
Сепак, сликањето по модел има и свои недостатоци - временски ограничувања и промени во осветлувањето што предизвикуваат постојано движење на сенките, на пример.
За сликање со маслени бои неопходни се медиуми?
Не, не се. Во ред е да не се користат медиуми. Верувајќи во оваа заблуда, почетниците знаат да избегнуваат маслени бои, мислејќи дека мора да имаат безброј мали шишиња со разни течности, чија употреба ги збунува. Вие всушност може да сликате со чиста боја од туба без да ја разредувате, и ќе ви треба само малку терпентин за миење на четките. Ве советуваме да си дадете можност да ги запознаете медиумите и нивните добри страни, но исто така ве советуваме да не се присилувате да користите медиуми, ленено масло или терпентин само затоа што сте слушнале дека е толку исправно.
Маслени бои се за професионалци?
Исто така, неточно. Маслени бои се за оние на кои им се допаѓа тоа што тие се сушат бавно, за вас кои го сакате нивниот сјај и топлината на нивните нијанси, и дали сте професионалец или аматер е целосно неважно. Сепак, мора да бидете добро запознаени со нивните карактеристики и да бидете подготвени да експериментирате со различни медиуми за да пронајдете комбинација што целосно одговара на вашиот сензибилитет за сликање. Во повеќето случаи, создавањето на слика со маслени бои трае многу подолго отколку да се слика со акрилни бои и резултатите се добиваат постепено, затоа вооружете се со трпеливост па потоа започнете да го освојувате овој материјал за сликање.
