Сликарските медиуми се биле наша тема и порано, пишувавме за тоа, а и многу од вас ќе се согласат дека тие не се воопшто едноставна тема, бараат искуство и трпение. Исто така, во таа прилика констатиравме дека сликарските медиуми главно се користат и им се потребни на оние кои сликаат со маслени бои.
Овој пат би сакалае да го привлечеме вашето внимание кон еден сосема поинаков тип медиуми. Liquitex pouring medium - професионален течен медиум кој се користи со акрилни бои, а неговите специфични ефекти ги прават делата кои се настанати со негово користење речиси посебна категорија. Имено, акрилните бои во допир со него стануваат исклучително течни и се разлеваат преку подлогата и се мешаат. Идеален е за апстрактни слики, но и за мермерен ефект.
Начин на примена
Овој медиум најпрактично е да се помеша со акрилни бои и да се стави во посебни садови. Се препорачува да ги помешате во размер една чаша медиум и една супена лажица боја. Ако ова кулинарско упатство ви е малку неодредено, ќе ви биде јасно ако ви кажеме дека една супена лажица е отприлика 15 ml и претставува 1/16 од чашата. Се разбира, оваа количина можете да ја намалите или зголемите, во зависност од садот во кој ќе ги мешате боите и медиумот, но трудете се да останете при овој размер, за најдобар ефект. Мешавината идеално е да ја ставите во шишенца кои имаат апликатор на врвот, како што е пипетата. Боите за подлогата можете да ги нанесете една преку друга или една до друга а потоа да ги разлеете уште повеќе со помош на стапче или чепкалка за заби, на пример, за преубави ефекти.
Доколку ви дозволуваат формата и условите за работа можете прво да нанесете поголема количина од медиумот на подлогата а потоа да додавате бои и да ги мешате на самата површина. За ова е потребно да имате можност да спречите медиумот да протече од подлогата, што не секогаш е можно. Можете да пробате да поставите дрвена рамка или да изберете подлога која сама по себе е некако заградена - на пример дрвен послужавник кој како да има ограда, што ќе биде идеално за да го задржи медиумот на место. Доволна количина на медиум во овој случај е онаа со која рамномерно ќе ја прекриете целата површина. Боите можете да ги капнувате после тоа на површината со помош на дрвени стапчиња или чепкалка за заби. Можете да капнувате од палета, а можете и нив во мала количина да ги помешате со медиум па потоа да ги нанесете.
Соодветна подлога
Со оглед на тоа дека овој медиум се користи во комбинација со акрилни бои, речиси секоја подлога е соодветна. Меѓу уметниците омилена подлога е дрвен панел и се разбира платно. Боите како што веќе рековме се разлеваат преку површината па затоа е необходно добро да ја заштитите масата на која работите, можете на пример да ја прекриете со најлон. Исто така, поради прелевањето уметниците преферираат панели со поголема дебелина и платна со невообичаено дебели летви- конкретно најчесто се работи за платно со дебелина од 6 cm. Меѓутоа примената на оваа техника со акрилни бои и медиум не е нешто што треба да го користат само префесионалните сликари, па ќе видите дека е многу лесно да го користите и да украсите некои од предметите за кои традиционално се користи техниката декупаж - веќе го спомнавме послужавникот, а можете како подлога да користите и дрвени кутии. Во секој случај, нема соммневање дека ефектот на дрво ќе биде сјаен, а соодветната подлога е и стаклото како и многу други површини.
Професионалните сликари ќе ви нагласат дека е необходно површината на која работите да биде совршено рамна и никако да не биде ни малку накривена. Многу е важно, ќе се сложат многу од нив, да можете да го контролирате разлевањето, па затоа мора да биде рамно. Од друга страна, хобистите ќе бидат едногласни дека тоа воопшто не е важно и дека не треба површината да биде крива толку за да се разлеваат боите само на една страна (освен ако тоа не е целта, се разбира ) но малото закривување нема да штети, можеби делото на крајот поради тоа ќе биде уште поубаво. На вас е да се пронајдете односно да оцените со кој сте согласни.
Добро е да знаете дека кога ќе примените бои на подлогата можете да ги пуштите да се исушат некое време па потоа да додадете уште бои за подобар ефект. Површината секако констатно ќе изгледа како да е мокра, а кога дефинитивно ќе завршите, површината заштитете ја со акрилен лак. Течниот медиум инаку не создава меурчиња и пукнатитни во текот на примената, не пожолтува и не ги прави боите проѕирни. После сушењето е водоотпорен.
